Fine de la pasinta jaro en la gazeto „La Ondo de Esperanto“
kvar konataj esperantistoj (Grigorij Arosev, Giorgio Silfer, Trevor Steele kaj
José Antonio Vergara) esprimis siajn ideojn pri la loko kaj rolo de Esperanto
kaj esperantistoj en la nuntempa mondo. Ĉi tiuj tekstoj estis vaste diskutataj
en „La Ondo“ kaj la reto.
Kun plezuro ni konatigas vin kun novaj muzikaj kaj
parolaj registraĵoj kaj mallongaj videofilmoj, kiujn ni disponigis por vi en
interreto. Ni esperas, ke vi trovos inter ili ion laŭ via intereso
kaj plaĉo.
La gazeto „More
Intelligent Life“ kunlabore kun prestiĝa semajnĵurnalo „The
Economist“ lanĉis interretan enketon „KIUN LINGVON PLEJ MULTE INDAS
LERNI?“. Ankaŭ vi mem povas influi la rezulton per via voĉo kaj subteni tie
Esperanton se vi volos!
Tiu ĉi teksto estis verkita en esperanto. Se vi ne komprenas, kion ĝi
signifas, simple kopiu la teksto al Google Translator. Ekde la 22-a de
februaro 2012 eblas fari tradukojn de naciaj lingvoj al esperanto kaj male per
Google-tradukoj.
Nuntempe En Pollando okazas amaskomunikila enketo,
kiu aŭ kio fariĝu oficiala simbolo de Bjalistoko – kaj ne nur
civitanoj de la urbo rajtas voĉdoni … Jen ŝanco ankaŭ por via eta
engaĝiĝo, kiu povas multe helpi!
Božena Němcová – virino
kun tragedia sorto kaj idilia vizio estas titolo de nova ipernitia artikolo,
konatiganta eksterlandajn esperantistojn kun tiu ĉi eminentulino de la ĉeĥa
kulturo, de kies morto en januaro 2012 pasis 150 jaroj. Sed ne temas nur pri
biografio …
La 20-an de januaro 2012 en Armea Hospitalo en Prago forpasis
Eli Urbanová, tutmonde fama esperantlingva poetino, honora membrino de UEA kaj
ĈEA, eksa akademianino.
Bv. aŭskulti ĉ. naŭminutan intervjuon kun Petro Chrdle, kiu
aperis la 16-an de januaro en Ĉina Radio Internacia!
Kun plezuro ni disponigas al vi pluajn kvin sonregistraĵojn el
la Rakontoj el la unua poŝo (en Esperanto-traduko de Josef
Vondroušek) de la fama ĉeĥa verkisto Karel Čapek. Ne mankas
ankaŭ tekstaj dosieroj por pli facila kompreno.
„Raporto pri forpaso de prezidento Václav
Havel tuŝis ankaŭ membrojn de Ĉeĥa Esperanto-Asocio, same kiel
esperantistojn eksterlande, kiuj perceptas lin kiel grandan elstarulon
(personecon), kiu konstruis pontojn inter nacioj kaj individuoj kaj serĉis
vojojn al rebonigo de la homaj aferoj.“
18.12.2011 en aĝo de 75 jaroj forpasis eksa ĉeĥoslovaka kaj
ĉeĥa prezidento, dramatikisto kaj filozofo, disidento, batalanto por libereco
kaj homaj rajtoj Václav Havel.
Ni alportas al vi etan kolekton de retligiloj al interesaj
literaturaĵoj, son- kaj kantregistraĵoj kaj filmetoj kun kristnaska temaro.
Espereble la materialoj povos utili ne nur por via individua bezono, sed ankaŭ
por viaj kristnasktemaj klubaj programoj kaj aliaj aranĝoj aŭ por progresigaj
lingvokursoj.
Fine de aŭgusto prezidanto de UEA, profesoro pri
lingvistiko Probal Dashgupta
(Barato), partoprenis kiel ĉefpreleganto la italan kongreson en Torino. En ties
kadro, li estis intervjuita de la kultura sekcio de Itala Televido RAI.
Jen ĝojiga sanktanikolaa donaceto – ĈEA-estraro povas
informi vin, ke Biblioteko de
Esperanto-Muzeo en Svitavy partoprenis ĉi-oktobre en subvencia konkurso pri
subteno el la fonduso Biblioteka
Apogo Roma kaj Poul Thorsen kaj sukcesis ricevi
155 eŭrojn por kompletigo de la librokolekto per novaj
valoraj publikaĵoj, kiuj estos kompreneble disponeblaj ankaŭ por
ĈEA-membroj.
Jen dua parto de elekto de konataj kristnaskaj
kantoj (E-tekstoj kun elŝutebla midi-akompano. klarigojn pri la uzeblecoj vi
povas legi en la 1-a
parto de la artikolo. espereble vi tie povos trovi inspiron por riĉigo de
viaj esperantlingvaj kristnaskaj programoj.
Kiel kutimas, la 1-an de decembro oni skribas
leterojn al Kristnaska Viro. Skribu al li! Kaj li respondos al vi! Li kapablos
tion ankaŭ en Esperanto!
Okaze de komenciĝo de Advento ni publikigas la
unuan elekton de tekstoj kaj melodioj de konataj kristnaskaj diversdevenaj
kantoj el la ampleksa kantaro Himnaro Cigneta kompilata kaj redaktata
de ROS' Haruo. Baldaŭ sekvos pluaj, aparte ankaŭ kantoj ĉeĥaj. Vi povas
utiligi la materialon por pretigo de viaj kristnaskaj Esperanto-programoj (kiuj
pro internacieco de nia komuna lingvo laŭeble enhavu ankaŭ tradician kantojn
ne nur vialandajn). Ni esperas, ke la kantoj plezurigos ankaŭ tiujn, kiuj ne
estas praktikantaj kristanoj.
Unika projekto de esperantlingva
versio de la senpaga multlingva interrreta enciklopedio Vikipedio, al kiu kontribuas
miloj da volontuloj el la tuta mondo kaj ofertanta nuntempe pli ol 155 000
diversfakajn artikolojn, la 6-an de novembro festis sian dekjariĝon. La
oficiala solenaĵo okazis en Svitavy, kie inter la 26-a kaj
la 30-a de oktobro ĝiaj favorantoj kaj kontribuantoj kunvenis.
En Germanio momente okazas granda konkurso de germana banko. La
celo estas voĉdoni por la plej ŝatataj asocioj en Germanio. Kompreneble Germana
Esperanto-Asocio volas aparteni al la plej ŝatataj asocioj (se ni estus
inter la unuaj asocioj tio lasus bonan impreson al la publiko). Krome la plej
ŝatataj asocioj ricevos monpremion. Montru ke Esperanto funkcias! Bv. subteni
GEA per via voĉo!
Merkrede la 2-an de novembro Esperanto prezentiĝis
en Prago dum Semajno de Volontulado. Ĝi
okazis kadre de Eŭropa Jaro de Volontulado, kiun deklaris EU. La prezentadon
gvidis Ĉeĥa Esperanto-Junularo (ĈEJ) kunlaborante kun aliaj E-kluboj
en Ĉeĥio.
Nova esperanta retradio 
Post 3 jaroj, denove en aŭtuno, okazis en Šumperk de la 7-a
ĝis la 9-a de oktobro kongreso de Ĉeĥa Esperanto-Asocio, kiun partoprenis ĉ.
80 homoj. Kio grava okazis tie kaj kiu nun estas en la estraro? Ne nur pri tio
ni volas en tiu ĉi artikolo paroli…
La 12-an de oktobro 2011 estis en Skokovy solene
prezentita nova memoriga tabulo dediĉita al doktoro Josef Hradil.
Ĝuste antaŭ tri jaroj, la 20-an de
septembro 2008, en teretaĝo de romantisma Domo de Ottendorfer en la
urbo Svitavy estis solene inaŭgurita Esperanto-Muzeo.
… En la nokto inter la 18-a kaj 19-a de septembro okazis
granda incendio en la ejo de Vinilkosmo, la plej granda eldonejo kaj
vendejo de Esperanto-muziko, situanta en Donneville apud Tuluzo en Francio.
La 11-an de septembro emerita operkantisto kaj honora membro de
ĈEA Miroslav Smyčka ĝisvivas en enviinda freŝeco 85 jarojn. Li plu viglas
en siaj (ne nur) poresperantaj artaj aktivecoj. Ni ĝuu kune almenaŭ virtuale
ion el lia arto!
Margit Turková partoprenis konferencon pri la fremdlingvaj tradukoj de Jaroslav Hašek kaj prezentis tie tradukojn al Esperanto.
Hodiaŭ ni ŝatus prezenti al vi ion pri la projekto ESPA 2.0,
dank al kiu vi povas ekkoni ion pri Hispanio.
Ekde la 31-a de majo 2011 estas alirebla la retpaĝaro www.espa2.eu, kiu estas produkto de la projekto „ESPA 2.0“ enkadre de Programo de Tutviva Lernado de EU „Leonardo da Vinci“. Tiu ĉi paĝaro subtenas kreadon de novaj komercaj okazoj inter landoj de Centra kaj Orienta Eŭropo kaj Hispanio, kaj ĝi ebligas ankaŭ studadon de la moderna komerca hispana lingvo.
La 8-an de septembro pasis 170 jaroj depost naskiĝo de la fama
ĉeĥa komponisto Antonín Dvořák.
En la lasta numero de la unua jarkolekto de nia vikiprojekto ni
prezentas al vi resuman registron de ĉiuj aperigitaj artikoloj. Eble vi trovos
inter ili iun, kiun via atento antaŭe preterpasis …
Kun plezuro ni prezentas al vi pluajn ses sonregistraĵojn el la verkaro de Karel Čapek, kiun realigis por vi geesperantistoj ne nur el Ĉeĥio, sed ankaŭ el Hungario kaj Hispanio.
Precipe por tiuj, kiuj ne povis mem partopreni la ĉi-jaran
Universalan Kongreson, ni peras plurajn mallongajn videofilmojn el ĝia
programo.
TED (Technology Entertainement Design / Teknologio, Amuzo,
Fasonado) estas usona fondaĵo kreita en 1984 por disvastigo – per
prelegoj senpage spekteblaj – de ideoj interesaj kaj utilaj por la tuta
mondo. Vastega estas la temaro : scienco, arto kaj fasonado, politiko,
edukado, kulturo, aferoj, tutmondaj demandoj, teknologio, disvolviĝo kaj amuzo.
Kial ni informas pri ĝi ĉi-loke?
Sur teritorio de Ĉeĥio Universala Kongreso okazis
nur dufoje, en 1921 kaj en 1996. Dum tiuj ĉi tagoj ni rememorigas tiun unuan,
kiu okazis ekde la 31-a de julio ĝis la 6-a de aŭgusto en Prago en la fama
palaco Žofín (legu Ĵofin) sur t.n. Slava insulo. Tamen la inaŭguro okazis en
secesia Municipa domo, sur kies loko staris ekde la 14-a jarcento rezidejo de la
ĉeĥa reĝo Venceslao la Kvara (filo de Karolo la Kvara), nomata Reĝa
Kortego.
Malgraŭ ferioj ni ne forgesis vin kaj denove alportas al vi
(espereble) legindan legaĵon el la vikipedia kaleidoskopo .......
Dum via somera libertempo en (aŭ proksime al)
Sudbohemia regiono nepre ne evitu kvietetosan urbeton Netolice, ofertantan al
esperantistaj gastoj interesajn turismajn informojn kaj servojn .....
Partopreni la esperantan aranĝon nun eblas ankaŭ per reto! De
la 28-a de junio ĝis la 2-a de julio okazis en hispana urbo San Lorenzo de El
Escorial Hispana Esperanto-Kongreso, kies programon oni povas spekti
per reto!
Sojle de la ferioj nia vikimagazino transpaŝis sian unuan dekon. Kien ni migros kun ĝi ĉi-foje?
Ni prezentas al vi plurajn registraĵojn kaj aliajn
materialojn estiĝintajn la 11-an de junio dum la solenaĵo omaĝe al
centjariĝo de Esperanto-klubo en Olomouc.
Ni aportas al vi kelkajn espereble por vi interesajn materialojn
el la ĵus okazinta Muzea nokto kaj inaŭguro de la nova tutjara ekspozicio en
Esperanto-Muzeo en Svitavy kun la titolo „Spiritaj tradicioj de la
mondo kaj Esperanto“. Ni esperas, ke ĝi povos esti interesa kaj
inspira ankaŭ por multaj t.n. nekredantoj …
Jen nomo de mallonga prezento por enpensiĝo, kiu estis origine
pretigita por inaŭguro de la nova ekspozicio en Muzeo de Esperanto en
Svitavy.
Se vi vizitas nian retpaĝaron regule, supozeble vi jam
ekrimarkis ŝanĝon en aspekto de nia enkonduka paĝo.
Dum pli ol 8-jara ekzisto lernu! de tre malgranda kaj modesta
retejo kreskis ĝis granda portalo, tradukita en pli ol 30 lingvojn, kaj nun
ĝi jam longan tempon estas la plej granda reta Esperanto-kursejo en la tuta
mondo. Kaj nun tiu ĉi paĝaro havas pli ol 100 000 registritajn uzantojn.
Okaze de tiom grava evento lernu! aranĝas grandan konkurson kun valoraj
premioj. Partoprenu ankaŭ vi!
Belega vetero ja pli logas al promenoj tra la naturo, tamen ni
esperas, ke vi ne rifuzos ankaŭ nian migradon tra Vikipedio.
Al tiuj, kiuj ne partoprenis ĉi-jaran seminarion „Sabla
Printempo“, ni alportas post riporteto „Ankaŭ ĉeĥa polico devas ŝpari“
du pluajn dum la aranĝo prezentitajn mallongajn filmojn dublitajn al
Esperanto.
Ĉu vi neniam vizitis urbon Brno? Spektu novan videon pri Brno kaj vizitu la urbon!
En Kalendaro de aranĝoj estis publikigitaj detalaj informoj pri
programo de la ĉi-jara Muzea nokto en Svitavy, ligita kun inaŭguro de la nova
ekspozicio en Esperanto-Muzeo.
… estis registrita la 4-an de
majo, antaŭvesperon de la kvarmonata naskiĝtago de la Ipernity-paĝo de nia
Esperanto-Muzeo. Ni invitas ankaŭ vin rigardi novaĵojn!
Plua monato forfluis kiel riverakvo, do ni denove invitas al vin al bunta migrado tra Esperanta Vikipedio …
Pasko estas ne nur pinta spirita festo juda kaj
kristana, sed ankaŭ ankoraŭ pli antikva festo de printempo, de renaskiĝanta
naturo kaj de espero pri daŭrigo de la vivo. Tial al ĝi apartenas ankaŭ
multnombraj popolaj kutimoj. kiuj parte similas kaj parte diferencas en diversaj
landoj.
Ni volus konatigi eksterlandajn vizitantojn de nia retpaĝaro kun la plej konataj popolkutimoj en Ĉeĥio kaj scivolas, kiel estas en viaj hejmlandoj! Vi povas aldoni viajn informojn en la komentarioj!
La 14-a de aprilo kiel tago de forpaso de d-ro Zamenhof el tiu ĉi
mondo nature ne estas tiom ofte rememorigata, kiel lia naskiĝtago la 15-an de
decembro, kiu estas tago de festoj. Tamen ankaŭ ĝi povas esti bona okazo por
ekhalti kaj rememori mesaĝon de tiu ĉi admirinda homo, kiu plantis arbon, kies
fruktojn ni ĉiuj frandas.
Por Muzea nokto, okazonta la 4-an de junio 2011,
Esperanto-Muzeo en Svitavy pretigas inaŭguron de nova tema ekspozicio, kies
temo estos „Spiritaj tradicioj de la mondo kaj Esperanto“.
Kun plezuro ni prezentas al vi la unuan el la konkretaj rezultoj
de la ĉi-jara aranĝo Sabla Printempo – de
la grupo por prilaboro de mallongaj filmoj.
La 28-an marto oni rememorigas naskiĝtagon de la eŭropa
grandulo Jan Amos Komenský (1592–1670) – Komenio, nomata ne nur
Instruisto de la nacioj, sed ankaŭ Prapatro de la ideo de la
internacia lingvo.
Kun la unuaj printempaj tagoj ni denove venas al vi kun
interesaj legaĵoj.
Esperanta redakcio de la radiostacio „China Radio
International“ la 25-an de marto aperigis en sia retejo telefonan intervjuon
kun elstara ĉeĥa esperantisto Miroslav Malovec, kiu
estas i.a. fondinto de la ĉeĥa Vikipedio.
TEJO ĝojas anonci ke la nova
redaktoro pri movadaj novaĵoj estas Daniel Mrázek el
Ĉeĥio. Daniel Mrázek estis unu el kunorganizantoj de IJK en Liberec, kaj la
nuna prezidanto de Ĉeha
Esperanto-Junularo.
Ni estas profunde ŝokitaj kaj afliktitaj pro la
tragediaj okazaĵoj en Japanio. Nia granda mondo ĉiam pli kaj pli fariĝas nura
granda vilaĝo kaj neniu okazaĵo ie ajn estas en sufiĉe sekura distanco de ni,
por povi diri ke ĉi-tio nin ne koncernas…
Lige kun la solenaĵo omaĝe al 90jariĝo de la honora membro de
ĈEA pastro Josef Xaver Kobza, kiu
okazis 26.2. en České
Budějovice, estis kadre de la kultura programo realigitaj novaj
registraĵoj de la spirita klasika muziko, kiujn ni nun ofertas al niaj
legantoj.
Por agrabligi al vi la nunajn longajn frostajn vesperojn, ni
venas denove kun kaleidoskopo de interesaĵoj bazitaj sur la Esperanta
Vikipedio. Espereble ankaŭ ĉi-foje vi trovos inter ili temon, kiu kaptos
vian atenton .......
La 21-an de februaro estis dissendita nova programero pri
Esperanto-Muzeo en Svitavy en Ĉina Radio Internacia.
Josef Cink (nask. 29.6.1933), grava ĉeĥa esperantisto,
pedagogo, tradukisto kaj eldoninto de kantoj, aŭtoro de koresponda E-kurso kaj
ekzerclibro por progresintoj (laŭ kiuj lernis centoj kaj miloj da ĉeĥaj
esperantistoj) …
La pli ol 50-jara historio de la Esperanto-redakcio de Pola
Radio estas finita. La lasta elsendo estis publikigita en la reto la 31-an de
januaro 2011, kaj pliaj elsendoj ne okazos. La estraro de Pola Radio decidis, ke
la sola dungito de la Esperanto-redakcio, Gabriela Kosiarska, ekde nun havu
aliajn taskojn.
Kiam la Esperanta Vikipedio
jam aĝis unu jaron, ankoraŭ ne ekzistis versio de Vikipedio en la ĉeĥa. La
ĉeĥan version helpis fondi Chuck Smith kaj la ĉeĥa esperantisto Miroslav
Malovec.
Samideanino Jindřiška Drahotova el Ĉeĥio gajnis unuan premion de Litera Turo 2011 en la branĉo originala prozo.
Malfrue, sed tamen, la unuan fojon en la nova jaro … Denove vi espereble trovos en ĝi iun temon por vi atentokaptan!
Nur tri tagojn post la 10-jara jubileo de la entuta vikipedio-projekto – en la 15-a de januaro – la Esperanto-vikipedio atingis 140.000 artikolojn, nome vespere de la 18-a de januaro.
Omaĝe al naskiĝdatreveno de la fama ĉeĥa
verkisto Karel Čapek (9.1.) ni
alportas al vi novaĵojn el nia asocia projekto.
Karaj gelegantoj, en la almetitaj dosieroj ni sendas al vi du
inspirajn kaj espereble plezurigajn novjarajn bondezirojn.
Nome de Ĉeĥa E-Asocio ni deziras al vizitantoj de nia retejo
Kristnaskon plenan de ĝojo, agrablaj surprizoj, harmonio kaj partumado kun
tiuj, kiujn vi amas. Kaj ni alportas al vi ankaŭ du donacetojn.
Tradicia Antaŭkristnaska renkontiĝo okazis la 11-an
de decembro en la urbo Písek (Suda Bohemio). Kaj
por tiuj partoprenis, kaj por tiuj kiuj ne ĉeestis, ni enretigis
kolekton de videofilmetoj, sondosieroj, fotaĵoj kaj akompanaj
tekstoj el la bunta kultura programo.
Omaĝe al la 151-a datreveno de naskiĝo de d-ro L.L.Zamenhof
nia retejo alportas al vi unikan kolekton de retligiloj por konatiĝi multflanke
kun la vivo kaj verkaro de la kreinto de Esperanto – inkluzive aŭtentikan
film- kaj sonregistraĵon de li! Ni ĝojos, se vi plu diskonigos la liston.
Nova numero de Starto estas en presejo, ĝia elektronika
versio en formato PDF troviĝas …
La 1-an de decembro 2010 forpasis en Lanškroun ĉeĥa
esperantisto Ing. Zdeněk Polák (1934).
Muziko sendube helpas kunkrei la ĝustan etoson de la
adventa/kristnaska tempo. Nia retejo alportas al vi donaceton en formo de
speciale por vi kreitaj kristnaskaj esperanto-kantaretoj kaj registraĵojn de
pluraj kantoj.
La kristnaska numero estas parte vestita en solenan kristnaskan
mantelon – sed ni ne restos sendube nur ĉe tiu temo …
Retpaĝaro de esperantistoj el Mladá
Boleslav denove funkcias!
En la Eŭropa bulteno 2010/10, organo de Eŭropa
Esperanto-Unio, aperis artikolo de Petro Chrdle, kiu koncize resumas
nuntempan staton de Esperanto-movado en Ĉeĥio.
La nova adreslibro de Pasporta Servo
2011 aperos laŭplane en aprilo 2011. Tial ĝisnunaj gastigantoj estas petataj
ĝis la 15-a de decembro aktualigi informojn pri si!
La plej supera E-aranĝo de la jaro, la 96-a
Universala Kongreso, okazos 23.-30.7.2011 en la dana metropolo
Kopenhago. Ne maltrafu precizigajn informojn kaj limdaton por
aliĝi kaj pagi en la plej avantaĝa kategorio!
La profesia konsumprodukta foiro SIAL okazis apud Parizo inter 17a kaj la 21a de oktobro 2010. Inter ties pli ol kvin mil standoj, unu el la grandaj estis tiu de la firmao Triballat. Sur tiu ĉi, kune kun diversaj produktoj kaj novaĵoj, videblis pakaĵo de la jogurtoj Sojasun tute en Esperanto! Ĝi estis prototipo tie prezentata estante kandidato por novigpremio. Esperantigis ĝin la kompanio LinguaForce en Rennes.
Antaŭ kelkaj monatoj Verda Filmejo informis, ke grupo de studentoj de
Kolumbia universitato kreis mallongan 15-minutan ludfilmon pri planlingvoj
„Conlang: the movie“. Temas fakte pri lingvokonstruistoj
kaj amo. Esperanto rolas tie ne la lastan rolon.
Ankaŭ en la novembra numero ni alportas al vi interesajn artikolojn el plej diversaj fakoj kaj kredas, ke same ĉi-foje vi trovos inter ili temon, kiu kaptos vian atenton.
La gvida Esperanta artkonkurso, la Belartaj Konkursoj de UEA,
invitas partoprenantojn jam por la 62-a fojo! La rezultojn oni
anoncos en la 96-a Universala Kongreso en Kopenhago. Partopreno estas libera al
ĉiuj kaj ne ligita al partopreno en la UK nek al membreco en UEA.
Ĉu ne tentas vin mem elprovi vian literaturan talenton?
Per la Esperanta versio de la programo Javascript Crossword,
adaptita de „Klivo“, oni povas krei proprajn krucenigmojn.
Ŝatata ateliero por kreemaj infanoj kaj
plenkreskuloj okazos ĉi-jare en Muzeo de Esperanto en Svitavy
dimanĉe la 5-an de decembro.
Bonvolu korekti tiun ĉi daton en viaj kalendaroj! (Origine en la rubriko Aranĝoj estis indikita dato 4.12.).
Se la homaro ne ŝanĝos sian aliron al tio, kio ĉirkaŭas ĝin,
kaj ne estos pli humila, ĝi ĵetos sin en katastrofon, estas konvinkita la
ĉeĥa eksprezidento Václav Havel. La
homaro laŭ li povas rekonsciiĝi nur tiam „se ĝi alfrontos sian miopecon,
malsaĝan konvinkiĝon pri sia ĉioscio kaj pompa fiero“. Tion li proklamis
dum la solena inaŭguro de la 14-a internacia konferenco Forum 2000 en Prago,
en salonego sur la insulo Žofín, kie koincide okazis i.a. la 13-a Universala
Esperanto-Kongreso en 1921.
Jam 8 jarojn regule okazadas en unu el la gimnazioj en Prago
(urboparto Modřany) interesa „lingva festivalo“ okaze de la Eŭropa tago de
lingvoj la 26-an de septembro. La aranĝo aspektas tiel, ke la antaŭtagmezo
estas disdividita je du partoj po du studhoroj kaj paralele estas prezentataj
diversaj lingvoj, ne nur tiuj oficialaj de EU.
La granda fajro, okazinta en la ĉirkaŭaĵo de Bona Espero en
Brazilo, kelkloke atingis ĝis nur dekmetra distanco de la konstruaĵoj, sed
estis sukcese haltigita. 77-jara brazila esperantisto, kiu helpis kontraŭbatali
la incendion, estis ĉirkaŭita de la flamoj kaj vundita, sed ne grave. Jam
pasis pli ol du semajnoj de la okazaĵo, alvenis multaj mesaĝoj de solidareco,
kaj ankaŭ la unua pluvo.
Ampleksa incendio detruis grandan parton de la teritorio de Bona Espero,
esperantista orfejo en Brazilo. La granda grundofajro trafis la
regionon en la tria semajno de septembro, sed ne atingis la ĉefajn
konstruaĵojn de Bona Espero.
En letero sendita al subtenantoj de la projekto, la esperantistaj estroj de la orfejo, Giuseppe kaj Ursula Grattapaglia, rakontas pri la okazaĵo:
La nova vikirevuo en sia oktobra numero alportas pluajn
interesaĵojn . Ni invitas vin eniri!
ĈEA venas kun projekto de netradicia monata reta revuo, bazita plejparte sur artikoloj el esperanta Vikipedio. Ĝi aperados en Aktualaĵoj de tiu ĉi retpaĝaro ĉiam komence de la monato, en ambaŭ lingvoversioj: en la ĉeĥa ĉeĥe/esperante (celante ankaŭ publikon), en la esperantlingva (en kiu vi nun troviĝas) nur esperante.
Evoluo de Interreto logike alportas kun si ankaŭ ŝanĝojn en
formo de gazetoj. Tial krom ebleco aboni perpoŝte eksterlandajn
E-gazetojn (aktualan liston kaj prezkondiĉojn por membroj de ĈEA vi
trovos ĉeĥlingve ĉi-tie)
vi povas utiligi i.a. ankaŭ elektronikajn arkivojn, kie estas
konservataj (kutime kun ioma malfruiĝo) eldonitaj numeroj kaj de kie vi povas
elŝuti ilin en vian komputilon.
La 15an de septembro okazis en la svisa urbo Brig premiero de la nova opero
THREE. Kaj kial ni informas pri ĝi ĝuste ĉi-tie?
Konata verkisto, diakono kaj psikiatro d-ro
Max Kašparů, kiu estas i.a. relative novbakita, sed sendube tre entuziasma
kaj aktiva esperantisto, ĝuste nun fondas novan Esperanto-klubon en Pelhřimov.
Tutjara ekspozicio de Esperanto-humuro el la verkaro de la
konata ĉeĥa desegnisto kaj karikaturisto Pavel Rak estis inaŭgurita la
12-an de junio en Muzeo de
Esperanto en Svitavy.
Tri demandoj por helpi al la franca kastelo Greziljono, Kulturdomo de Esperanto: