Novaĵoj de la Esperanta Retradio

Jam plurfoje ni informis pri atentinda projekto de Esperanta Retradio, kiun iniciatis kaj kun siaj kunlaborantoj realigas Anton Oberndorfer el Aŭstrio. Ĉiutage nova kelkminuta bonkvalita sonregistraĵo pri interesa temo, kune kun la teksto, por povi bone sekvi kaj kompreni – jen ideala maniero larĝigi siajn horizontojn kaj samtempe perfektiĝi en Esperanto!

La elektitaj temoj tre varias, nur malgranda parto rilatas al Esperanto mem. Aperas artikoloj pri psikologio, sano, historio kaj arto, ekologio, novaĵoj el natursciencoj kaj tekniko.

Jen porimage titoloj de pluraj novaĵoj, aperintaj dum la lastaj 6 semajnoj (ekde la 1-a de majo 2016):

  • Tiel konserveblas ventenergio
  • Dolĉa alternativo por antibiotikaĵoj
  • Tuja traktado de brulvundoj
  • Muziko kiel medikamento
  • Ŝercoj Esperante
  • Aŭdigu vian voĉon
  • Pri la lernado de Esperanto
  • Lerni dum dormado
  • Alkoholismo kaj geedzeco
  • Tri paŝoj al malpli da sukero
  • El nulo ĝis cento: la novaj aĝoj de la vivo
  • Kiel bone robotoj jam legas de la lipoj?
  • Kial knaboj legas malpli bone ol knabinoj
  • Tradukoj de Bhagavad-Gita
  • Altkapacitaj baterioj por elektraj aŭtomobiloj  –
  • Libereco – pensoj pri la nocio
  • Klimatŝanĝo verdigas la teron

kaj multaj aliaj. En la arkivo vi povas elekti el centoj da diverstemaj artikoloj laŭ via intereso.

Por vidi la liston, klaku al:

http://aldone.de/retradio


Anton Oberndorfer estas konata al ĉeĥaj esperantistoj, li vizitis i.a. aranĝojn en Suda Bohemio kaj plurfoje ankaŭ kunvenojn de Esperantista Klubo en Prago. Kune kun li kontribuas regule per siaj temoj kaj voĉoj Andrzej Bach (Pollando), Paŭlo S. Viana (Brazilo), Gian Piero Savio (Israelo), Herbert A. Welker (Brazilo) k.a.

Pluaj interesiĝantoj pri kunlaboroj serĉatas kaj bonvenas!! Ankaŭ viaj reagoj ĝojigos la realigantojn kaj kuraĝigos ilin por plua laboro. Ja sen sufiĉaj kaj kontentaj aŭskultantoj la projekto perdas la sencon!

Kontakto: retradio@aldone.de

Revenadu ripete al la retejo, diskonigu la retadreson inter viaj geamikoj, uzu la temojn por diskutoj en viaj kluboj! Antaŭdankon por via kunagado!

nome de la redakcio Pavla Dvořáková


  • publikita 15. 6. 2016
  • 747 homoj de tiam tralegis tiun ĉi artikolon
  • paĝon oni povas printi

Komentáře

Bohužel zde zatím nejsou žádné komentáře.

Podělte se o svůj názor

 
Administrace - Aleš Tomeček © 2009-2020