Filmeĥoj el Sabla Printempo

Al tiuj, kiuj ne partoprenis ĉi-jaran seminarion „Sabla Printempo“, ni alportas post riporteto „Ankaŭ ĉeĥa polico devas ŝpari“ du pluajn dum la aranĝo prezentitajn mallongajn filmojn dublitajn al Esperanto.

Unuavice menciendas 13minuta televida programo Biciklovagoj- parto dediĉita ĝuste al la urbo Milevsko kaj ĝia ĉirkaŭaĵo, kie la aranĝo okazis.

(Por kompari vi povas rigardi ankaŭ malpli novan parton Biciklovagoj tra la mikroregiono Netolice – ĉeĥlingve kun esperantaj subtekstoj).


Krome vi povas spekti tute mallongan filmeton Kastelo Jindřichův Hradec, kiu dum la aranĝo servis kiel ekzercmaterialo dum la instruado de filmprilaboro. La filmeto mem devenas de la servilo Youtube, kie troveblas multaj relative kvalite prilaboritaj diverslingvaj videofilmoj pri urboj kaj kulturaj memorindaĵoj, kiujn necesas „nur“ esperantigi.

Paroladon eblas registri kaj prilabori ekzemple en la senpaga programo Audacity. Instrukcian prezenton en PowerPoint pri uzado de tiu ĉi programo vi povas elŝuti ĉi-paĝe sube.

Ambaŭ filmetoj estis prilaboritaj de la estro de la teknika grupeto Vladimír Türk en la programo Windows Movie Maker, kiu estas parto de la operaciumoj Windows XP kaj pli altaj kaj didaktike estas taŭga precipe por komencantaj entuziasmuloj (kaj do por instruado en seminarioj). Registrado de parolata komentario estas en ĝi estas eĉ pli simpla ol en Audacity. Kompreneble utiligeblas ankaŭ aliaj programoj.

Orientigan instrutrarigardon pri uzado de Windows Movie Maker (ĉeĥlingve kun esperantaj subtekstoj) vi povas spekti kaj ev. elŝuti ĈI-TIE.

Se vi havas intereson kaj emon elprovi subtekstigadon kaj dubladon de mallongaj filmetoj kaj vi havas tiusfere iujn ajn problemojn kaj demandojn, skribu senĝene al tuurql(heliko)gma­il.com.

Se vi sukcesos ion interesan krei, ni volonte publikigos ĉi-tie ligilojn al de vi prilaboritaj filmoj! (skribu al komputado(heli­ko)esperanto.cz).

Pluajn materialojn el la seminario ni publikigos ĉi-rubrike dum la monato junio.

Pavla Dvořáková


Soubory
pps AUDACITY1.pps (3.04 MB)

  • publikita 23. 5. 2011
  • 865 homoj de tiam tralegis tiun ĉi artikolon
  • paĝon oni povas printi

Komentáře

Vladimír Türk

#1 Vladimír Türk

Bonvolu ŝanĝi "elprovi subtekstigado kaj dublado" al "elprovi subtekstigadoN kaj dubladoN, kaj ankaŭ "ĉi-tiue" al ĉi-tie". Krome mi sincere dankas por via laboremo.

před 9 lety
Pavla Dvořáková

#2 Pavla Dvořáková

Dankon pro via atentigo. Atentema korektisto estus por mi tre utila.

před 9 lety

Podělte se o svůj názor

 
Administrace - Aleš Tomeček © 2009-2020