Sabla Printempo
Okazloko - Písek
| 11 |
| 4 |
Písek
Seminario Sabla Printempo, renovigita en 2025 post 10-jara paŭzo, okazos ree ankaŭ en 2026.
La ĉefa temo de la unutaga renkontiĝo estos denove
„Esperanta librokulturo en la 21-a jarcento“.
Inter ĉ. 10:30 kaj 17:00 vin atendas:
- programo en la urba biblioteko kaj vizito de la ekspozicio
- komunuma tagmanĝo
- promeno tra la historia urbocentro kaj vizito de la nova biblioteko kaj arkivo de EK Písek
- posttagmeza seminario kun kontribuaĵoj pri libroj klasikaj kaj
elektronikaj,
aŭdlibroj kaj projektoj por subteni legadon
- la prezentaĵoj estos kompletigitaj per legado de literaturaj specimenoj kaj kantado de muzikigitaj poemoj
Kontribuaĵo por lupago kaj necesaj organizelspezoj 100,– CZK (por prelegantoj senpage).
La tagmanĝon pagos ĉiu mem, posttagmezaj kafo/teo kaj lunĉeto senpage.
Pliajn informojn la interesitoj ricevos ĉe la adreso
pisek @ esperanto.cz.
Nome de EK La Ponto vin ĝojatendas Pavla Dvořáková.
- padv-
Montrite 13x